Saturday, September 10, 2005

الحمار الى هو انا

كتبت من ييجى 6 اشهر ابيات شعر تريقة ملقاة على لسان حمار و ساعتها دار حوار بينى و بين اصحابي على موضوع ان الحمار احسن من الانسان الى زي الحمار!!!!

المهم رسينا و قلتلهم ان ودانى بدأت تتطول فعلا و ان ده وباء انتشر فى مصر و على اوائل شهر 9 كل الناس هتكون حمير

الحمد لله توقعى طلع فى محله... الانتخابات مشيت نزيهة لان الحكومة م كانتش محتاجة تزورها اصلا مدام فى حمير بالعدد الكافى سهل ترهبه بطرقعة كرباج وهمى و بكلب عجوز صوته عالى بس من غير انياب

فوق كل ده... فيه حمير صدقت بجد!!!
كلام من نوعية "لا احد يصلح" و "الاخرين وعودهم كاذبة" و "اللى نعرفه احسن من اللى منعرفوش" و غيره و غيره من الدعايه اللى حتى الحمير مش ممكن تصدقها!!

عموما ادامنا الان فرصة كويسة... كل واحد يقوم الصبح و يبص ف المرايه و يقول "انا حمار"!!!
ولا اقولكم! الحمير مالهاش ذنب نهزئها معانا.... تفوا على نفسكوا احسن!!!

3 comments:

sydalany-وش مكرمش said...

مش عارف يا أخي
أنا كمان من ساعة ما عرفت نتيجة الإنتخابات و أنا مدلدل وداني

KING TOOOT said...

هو أيه زنب الحمير فى أللى أحنا فيه ؟
أحنا قبلنا نكون حمير أزاى و ليه ؟
مش كل واحد عامل لى فيها أستاذ كبير
طيب قولولى الفرق بيننا و بينهم أيه ؟
و عـجـبـى
KING TOOOT

free soul said...

NICE !! :)

i will wait for your diwan "7emereyat" to describe how we feel in our new-old life as big donkeys, by choice :)